എന്തുകൊണ്ട് ധനുഷിന്റെ കര്‍ണനില്‍ സ്വന്തം ശബ്ദം ഉപയോഗിച്ചില്ല, ലാല്‍ വെളിപ്പെടുത്തുന്നു!

മലയാളത്തില്‍ എന്ന പോലെ തന്നെ സുപരിചിതനാണ് ലാല്‍ തമിഴ് സിനിമാ ലോകത്തും. ലാലിന്റെ മുഖത്തെക്കാള്‍ തമിഴകം ശ്രദ്ധിയ്ക്കുന്നത് അദ്ദേഹത്തിന്റെ ഡയലോഗുകളാണ്. വേറിട്ട ശബ്ദത്തിനുടമയായ ലാലിന്റെ ഐഡന്റിറ്റിയാണ് ആ ശബ്ദം. തമിഴിലും ഇതുവരെ അഭിനയിച്ച ചിത്രങ്ങള്‍ക്കെല്ലാം ഡബ്ബ് ചെയ്തത് ലാല്‍ തന്നെയാണ്. എന്നാല്‍ ധനുഷ് നായകനായി ഏറ്റവും ഒടുവില്‍ പുറത്തിറങ്ങിയ കര്‍ണന്‍ എന്ന ചിത്രത്തില്‍ മാത്രം എന്തുകൊണ്ട് സ്വന്തം ശബ്ദത്തില്‍ സംസാരിച്ചില്ല എന്ന് ലാല്‍ വെളിപ്പെടുത്തുന്നു. ആരാധകരുടെ നിരന്തര ചോദ്യത്തിന് ഒടുവില്‍ സോഷ്യല്‍ മീഡയയിലൂടെയാണ് കര്‍ണന് ഡബ്ബ് ചെയ്യാത്തതിന്റെ കാരണം ലാല്‍ തുറന്ന് പറഞ്ഞത്. 'കര്‍ണന്‍ എന്ന ചിത്രത്തിലെ യെമ രാജ എന്ന കഥാപാത്രത്തിന് വേണ്ടി എന്തുകൊണ്ട് ഞാന്‍ ഡബ്ബ് ചെയ്തില്ല എന്ന് നിങ്ങളില്‍ പലരും എന്നോട് ചോദിച്ചു. നിങ്ങള്‍ക്ക് എല്ലാവര്‍ക്കും അറിയാം, കര്‍ണന്‍ തിരുനല്‍വേലി ദേശത്തിന്റെ പശ്ചാത്തലത്തില്‍ കഥ പറഞ്ഞ ചിത്രമാണ്. സാധാരണ ചെന്നൈ തമിഴില്‍ നിന്നും വളരെ വ്യത്യസ്തമാണ് തിരുനല്‍വേലി തമിഴ്. Also Read: മലയാളത്തിലും ഭാഷാ ശൈലികളുണ്ട്. തൃശ്ശൂര് കാരുടെ ഭാഷ ആ ദേശത്തുള്ളവര്‍ സംസാരിക്കുന്ന അത്രയും വഴക്കത്തോടെ മറ്റ് സംസ്ഥാനത്തില്‍ ഉള്ളവര്‍ക്ക് പറയാന്‍ കഴിയില്ല. എത്ര തന്നെ പഠിച്ച് പറഞ്ഞാലും അത് അനുകരണമാണെന്ന് മനസ്സിലാവും. അത് തന്നെയാണ് കര്‍ണന്‍ എന്ന ചിത്രത്തിലും സംഭവിച്ചത്. ഭാഷയ്ക്കും സംസ്‌കാരത്തിനും വളരെ അധികം പ്രധാന്യം നല്‍കിയ ചിത്രമാണ് കര്‍ണന്‍. യമ രാജയെ ആദ്യാവസാനം വരെ കൊണ്ടു പോകുന്നത് ആ ഭാഷയാണ്. ചിത്രത്തില്‍ അഭിനയിക്കുന്നവര്‍ ഭൂരിഭാഗവും ആ ശൈലിയില്‍ സംസാരിക്കുന്നവരാണ്. എന്റെ സംസാരം അതില്‍ നിന്ന് വേറിട്ട് നില്‍ക്കാന്‍ സാധ്യതയുള്ളത് കൊണ്ടും, കര്‍ണന്‍ എന്ന ചിത്രത്തിന് നൂറ് ശതമാനത്തില്‍ കുറഞ്ഞതൊന്നും നല്‍കാന്‍ ഞാന്‍ ആഗ്രഹിക്കാത്തതു കൊണ്ടും ആണ് ഡബ്ബ് ചെയ്യാതിരുന്നത്. Also Read: വാസ്തവത്തില്‍ സംവിധായകന്‍ മാരി സെല്‍വരാജും നിര്‍മാതാവ് കലൈ പുലി എസ് താണുവും ഞാനും ഉള്‍പ്പടെയുള്ള സിനിമയുടെ ടീം ഡബ്ബിങിന് വേണ്ടി സ്റ്റുഡിയോയില്‍ എത്തിയതാണ്. എന്നാല്‍ ഞാന്‍ തന്നെയാണ് തിരുനല്‍വേലി സ്വദേശിയെ കൊണ്ട് തന്നെ എന്റെ കഥാപാത്രത്തിന് ഡബ്ബ് ചെയ്യാന്‍ ആവശ്യപ്പെട്ടത് . നിങ്ങള്‍ എല്ലാവരുടെയും സ്‌നേഹത്തിനും പിന്തുണയ്ക്കും നന്ദി- ലാല്‍ വ്യക്തമാക്കി.

യെമ രാജ എന്ന 'കര്‍ണന്‍ എന്ന ചിത്രത്തിലെ കഥാപാത്രത്തിന് വേണ്ടി എന്തുകൊണ്ടാണ് താന്‍ ഡബ്ബ് ചെയ്യാത്തതെന്ന് നിങ്ങളില്‍ പലരും എന്നോട് ചോദിച്ചുവെന്നും അതിനുള്ള മറുപടി നൽകുകയായിരുന്നു നടൻ ഇപ്പോൾ