'മനസ്സു നന്നായാൽ ആയുസ്സ് കുറയുന്ന ഒരു നെറികെട്ട കാലം'; ജയൻ്റെ വിയോഗത്തിൽ അരുൺ ഗോപി

സിനിമ -സീരിയൽ മേക്കപ്പ്മാനായിരുന്ന ജയചന്ദ്രന്റെ മരണവാർത്ത സിനിമാ സീരിയൽ മേഖലയെ ആകെ ഞെട്ടിച്ചിരിക്കുകയാണ്. കഴിഞ്ഞദിവസം രാത്രിയിൽ ആണ് ഈ മരണവാർത്ത പുറത്തുവരുന്നത്. കുറച്ചുനാളായി ആരോഗ്യപരമായി പ്രശ്നങ്ങൾ ഉണ്ടായിരുന്ന ആശുപത്രിയിൽ ചികിത്സയിൽ കഴിയുകയായിരുന്നു. കഴിഞ്ഞദിവസം രാത്രിയിൽ ഹൃദയാഘാതത്തെ തുടർന്ന് തിരുവനന്തപുരം അനന്തപുരി ഹോസ്പിറ്റലിൽ വച്ചാണ് മേക്കപ്പ് ആർട്ടിസ്റ്റ് മരണത്തിന് കീഴടങ്ങിയത്. നിരവധി സുഹൃത്തുക്കളും താരങ്ങളും ആണ് അദ്ദേഹത്തിന് ആദരാഞ്ജലികൾ നേർന്നുകൊണ്ട് രംഗത്തെത്തുന്നുണ്ട്. Also Read: ഇപ്പോഴിതാ സംവിധായകൻ അരുൺ ഗോപി കുറിച്ച വാക്കുകളാണ് ഏറെ ശ്രദ്ധിക്കപ്പെടുന്നത്. 'പെരുനാൾ ദിനത്തിലൊരു ദുഃഖ വാർത്തയാണ് തേടിയെത്തിയതെ'ന്ന് സംവിധായകൻ പറയുന്നു. 'മേക്ക് അപ്പ് ആർട്ടിസ്റ്റ് ജയചന്ദ്രൻ ചേട്ടൻ വിട വാങ്ങി എന്ന വാർത്ത' സങ്കടപ്പെടുത്തിയതായി സംവിധായകൻ കുറിച്ചിരിക്കുന്നു. 'നേരറിയാൻ സിബിഐ എന്ന ആദ്യ സിനിമയിൽ, പേടിച്ചു വിറച്ചു ക്ലാപ് ബോർഡുമായി നിന്ന എന്നെ "അനിയാ" എന്ന് വാത്സല്യത്തോടെ വിളിച്ചു ചേർത്തു നിർത്തിയ സ്നേഹമായിരുന്നു ജയേട്ടൻ...!! എന്ത് പറയാനാ ചേട്ടാ കാലം ഇങ്ങനെയാണ് മനസ്സു നന്നായാൽ ആയുസ്സ് കുറയുന്ന ഒരു നെറികെട്ട കാലം!! ആത്മശാന്തി.' അരുൺ ഗോപി കുറിച്ചു.

മേക്ക് അപ്പ് ആർട്ടിസ്റ്റ് ജയചന്ദ്രൻ്റെ വിയോഗ വാർത്ത വല്ലാതെ വേദനിപ്പിച്ചെന്നാണ് സംവിധായകൻ അരുൺ ഗോപി ഫേസ്ബുക്കിൽ കുറിച്ചിരിക്കുന്നത്. നിരവധി ആരാധകരാണ് ആദരാഞ്ജലികളുമായി രംഗത്തെത്തിയിരിക്കുന്നത്.