സിംഗിൾ മദർ പുറത്താണ് എന്ന് പറഞ്ഞാൽ വേറൊരാളുടെ കൂടെ എന്നല്ല അർത്ഥം! ബാലയുമായുള്ള സംഭാഷണത്തെക്കുറിച്ച് അമൃത സുരേഷ്! വീഡിയോ വൈറലാവുന്നു
റിയാലിറ്റി ഷോയിലൂടെ ശ്രദ്ധ നേടിയ ഗായികയാണ് അമൃത സുരേഷ്. അഭിനേതാവായ ബാലയെ ആയിരുന്നു അമൃത വിവാഹം ചെയ്തത്. പ്രണയിച്ച് വിവാഹിതരായ ഇരുവരും വര്‍ഷങ്ങള്‍ക്ക് ശേഷം വേര്‍പിരിയുകയായിരുന്നു. ഇവരുടെ മകളായ അവന്തികയ്ക്ക് അസുഖമാണെന്നും അച്ഛനായ ബാലയെ കാണിക്കില്ലെന്ന തരത്തിലുമുള്ള റിപ്പോര്‍ട്ടുകളായിരുന്നു സോഷ്യല്‍ മീഡഡിയയിലൂടെ പ്രചരിച്ചത്. ബാലയും അമൃതയും സംസാരിക്കുന്ന ഓഡിയോ ക്ലിപ്പും വൈറലായിരുന്നു. കഴിഞ്ഞ ദിവസം സംഭവിച്ച കാര്യങ്ങളെക്കുറിച്ച് വിശദീകരിച്ചെത്തിയിരിക്കുകയാണ് അമൃത സുരേഷ്.ഒരുപാട് സങ്കടത്തോടെയാണ് നിങ്ങളുടെ മുന്നിലേക്ക് വന്നിട്ടുള്ളത്. ആദ്യമായാണ് പേഴ്‌സണല്‍ ലൈഫുമായി ബന്ധപ്പെട്ട ഒരു കാര്യത്തെക്കുറിച്ച് ഞാന്‍ സോഷ്യല്‍ മീഡിയയിലൂടെ പറയുന്നത്. കുറേ ആരോപണങ്ങളും വിവാദങ്ങളും വിമര്‍ശനങ്ങളുമെല്ലാം ഞാന്‍ കേട്ടിരുന്നു. പ്രകോപിതയാക്കാനുള്ള ശ്രമങ്ങളുമുണ്ടായിരുന്നു. അന്നൊന്നും ഞാന്‍ പ്രതികരിച്ചിട്ടില്ല. കഴിഞ്ഞ ദിവസത്തെ വാര്‍ത്തയില്‍ അവന്തികയ്ക്ക് കൊവിഡ് സ്ഥിരീകരിച്ചുവെന്നാണ് പറഞ്ഞത്.ഒരു ഓഡിയോ ക്ലിപ്പും പുറത്തുവിട്ടിട്ടുണ്ട്. ആരോഗ്യവതിയായി അവള്‍ ഞങ്ങളോടൊപ്പമുണ്ട്.
8 വയസ്സുള്ളൊരു കുഞ്ഞുകുട്ടിക്ക് കൊവിഡാണെന്ന് പ്രചരിപ്പിക്കുന്നത് അമ്മയയെന്ന നിലയില്‍ എനിക്ക് സഹിക്കാന്‍ പറ്റാത്ത കാര്യമാണ്. കാര്യങ്ങള്‍ കണ്ടാലും വാര്‍ത്ത അറിഞ്ഞാലുമെല്ലാം അവള്‍ക്ക് മനസ്സിലാവും. ആരാണ് ഇത്തരത്തിലൊരു വാര്‍ത്ത തന്നത്, പ്രചരിച്ച ഓഡിയോ ക്ലിപ്പില്‍ എവിടെയാണ് അവന്തികയ്ക്ക് കൊവിഡ് എന്ന് പറയുന്നത്, ഈ സംഭാഷണ വീഡിയോ എങ്ങനെ ലഭിച്ചുവെന്നും അമൃത ചോദിക്കുന്നു.
ഫോണ്‍ കോളിന്റെ വിശദാംശങ്ങളും അമൃത പങ്കുവെച്ചിരുന്നു. ഇന്നലെ 2 തവണകളായി അദ്ദേഹം വിളിച്ചിരുന്നു. പ്രചരിച്ചത് ആ ഫോണ്‍കോളിനിടയിലെ ചില ഭാഗങ്ങളാണ്. എനിക്ക് കൊവിഡ് പോസിറ്റീവായതിനാല്‍ ഞാന്‍ മകളുടെ അടുത്തുനിന്നും മാറി നില്‍ക്കുകയായിരുന്നു. ഇന്നലെ എന്റെ അവസാനത്തെ ടെസ്റ്റായിരുന്നു. റിസല്‍ട്ടിനായി നില്‍ക്കുന്നതിനിടയിലാണ് ബാല ചേട്ടന്‍ വിളിക്കുന്നത്. 3 മിനിറ്റായിരുന്നു ആദ്യ കോളിന്‍രെ ദൈര്‍ഘ്യം. ഞാന്‍ പുറത്താണെന്നും, അമ്മയെ വിളിച്ചാല്‍ അവന്തികയെ കിട്ടുമെന്നും അതല്ല ഞാനെത്തിയിട്ട് വിളിച്ചാല്‍ മതിയെങ്കില്‍ അങ്ങനെ ചെയ്യാമെന്നുമായിരുന്നു പറഞ്ഞത്.
അതിന് ശേഷം അദ്ദേഹം വീണ്ടും വിളിച്ചിരുന്നു. അമ്മയെ കിട്ടുന്നില്ലെന്നായിരുന്നു പറഞ്ഞത്. ഞാന്‍ ടെസ്റ്റ് റിസല്‍ട്ടിനായി കാത്തുനില്‍ക്കുകയാണ്. ഇപ്പോള്‍ കൊടുക്കാനാവില്ല എന്നായിരുന്നു പറഞ്ഞത്. എന്തെങ്കിലും കാര്യമായിരിക്കും. അവര്‍ ഉറങ്ങുകയായിരിക്കും. എനിക്ക് മോളെ കാണണം,, അങ്ങനെ നിങ്ങള്‍ക്ക് പറയാനാവില്ലല്ലോയെന്ന് അമൃത ചോദിച്ചപ്പോള്‍ ഇപ്പോള്‍ നീ ആരുടെ കൂടെയാണ് എന്നല്ലല്ലോ ഞാന്‍ ചോദിച്ചതെന്നായിരുന്നു ബാലയുടെ മറുപടി. എന്താണ് മകളെ കാണിക്കാത്തതെന്നും ബാല ചോദിക്കുന്നുണ്ട്. ഒന്നുകില്‍ നിങ്ങള്‍ സംസാരിക്കുക അല്ലെങ്കില്‍ ഞാന്‍ പറയുന്നത് കേള്‍ക്കുക.
എന്റെ മകളെ എനിക്ക് ഇപ്പോള്‍ കാണാനാവുമോയെന്ന് ചോദിച്ചപ്പോള്‍ ഇല്ലെന്നായിരുന്നു അമൃത പറഞ്ഞത്. പുറത്തെന്ന് പറഞ്ഞാല്‍ ഞാന്‍ ആരുടേയും കൂടെയാണെന്നല്ല. ഒരു സിംഗിള്‍ മദര്‍ പുറത്താണെന്ന് പറഞ്ഞാല്‍ അത് ആരും കൂടെയാണെന്നല്ല അര്‍ത്ഥം. കുറേ കമന്റുകള്‍ അങ്ങനെയാണ് കണ്ടത്. അമ്മയെ വിളിച്ചോളൂയെന്ന് പറഞ്ഞാണ് ഞാന്‍ ആ കോള്‍ അവസാനിപ്പിക്കുന്നത്. അതിന് ശേഷം ഞാന്‍ അമ്മയെ വിളിച്ചിരുന്നു. അദ്ദേഹത്തെ അമ്മ തിരിച്ചുവിളിച്ചെങ്കിലും എടുത്തിരുന്നില്ല. ഞാന്‍ വിളിച്ചപ്പോഴും എടുത്തില്ലായിരുന്നു.
അതിന് ശേഷമായി ഞാന്‍ അദ്ദേഹത്തിന് വോയ്‌സ് നോട്ട് അയച്ചിരുന്നു, സത്യാവസ്ഥ നിങ്ങളെ അറിയിക്കണമെന്നുള്ളത് കൊണ്ടാണ് ഞാന്‍ വോയ്‌സ് നോട്ട് നിങ്ങളെ കേള്‍പ്പിക്കുന്നത്. കുറേ നേരമായി ഞങ്ങള്‍ കാത്തിരിക്കുകയാണ്. ആദ്യം വിളിച്ചപ്പോള്‍ അമ്മ കോള്‍ കണ്ടിരുന്നില്ല, അവന്തിക ക്ലാസിലായിരുന്നു. തിരിച്ചുവിളിച്ചുവെങ്കിലും എടുത്തിരുന്നില്ല. ഇപ്പോള്‍ ഞാന്‍ കുറേയായി വിളിക്കുന്നു. അവന്തിക ഓണ്‍ലൈന്‍ ക്ലാസ് കട്ട് ചെയ്താണ് നില്‍ക്കുന്നത്. അല്ലെങ്കില്‍ വിളിക്കാനുള്ള സമയം പറയൂ. അതിന് അനുസരിച്ച് അവളുടെ കാര്യങ്ങളും പ്ലാന്‍ ചെയ്യാം.
ഞങ്ങള്‍ അദ്ദേഹത്തിന്റെ കോളിനായി കാത്തിരിക്കുകയായിരുന്നു. അല്ലാതെ വീഡിയോ കോള്‍ വിളിച്ചിട്ട് കൊടുക്കാതിരുന്നതുമല്ല. ഇതാണ് സത്യാവസ്ഥയെന്നും അമൃത സുരേഷ് പറയുന്നു. ഒരു വീഡിയോ കോളും വന്നിട്ടില്ല. ഞങ്ങളുടെ ഫോണ്‍ സംഭാഷണം എങ്ങനെയാണ് ലീക്ക് ചെയ്ത് പ്രചരിപ്പിച്ചത്. പ്രസ്തുത ഓഡിയോ പ്രചരിപ്പിച്ച മാധ്യമത്തിനെതിരെ താന്‍ നിയമപരമായ നടപടികള്‍ സ്വീകരിക്കുമെന്നും അമൃത സുരേഷ് പറയുന്നു. തെറ്റുകാരിയായത് കൊണ്ടല്ല പ്രതികരിക്കാതിരുന്നത്. വിവാഹമോചനത്തിന്റെ സമയത്ത് കോടതി ചില നിര്‍ദേശങ്ങള്‍ നല്‍കിയിരുന്നു. അത് പാലിച്ചാണ് ജീവിക്കുന്നത്. ഈ വീഡിയോ വളച്ചൊടിക്കരുതെന്നും പറഞ്ഞായിരുന്നു അമൃത സംഭാഷണം അവസാനിപ്പിച്ചത്.
റിയാലിറ്റി ഷോയിലൂടെ ശ്രദ്ധ നേടിയ ഗായികയാണ് അമൃത സുരേഷ്. അഭിനേതാവായ ബാലയെ ആയിരുന്നു അമൃത വിവാഹം ചെയ്തത്. പ്രണയിച്ച് വിവാഹിതരായ ഇരുവരും വര്‍ഷങ്ങള്‍ക്ക് ശേഷം വേര്‍പിരിയുകയായിരുന്നു. ഇവരുടെ മകളായ അവന്തികയ്ക്ക് അസുഖമാണെന്നും അച്ഛനായ ബാലയെ കാണിക്കില്ലെന്ന തരത്തിലുമുള്ള റിപ്പോര്‍ട്ടുകളായിരുന്നു സോഷ്യല്‍ മീഡഡിയയിലൂടെ പ്രചരിച്ചത്. ബാലയും അമൃതയും സംസാരിക്കുന്ന ഓഡിയോ ക്ലിപ്പും വൈറലായിരുന്നു. കഴിഞ്ഞ ദിവസം സംഭവിച്ച കാര്യങ്ങളെക്കുറിച്ച് വിശദീകരിച്ചെത്തിയിരിക്കുകയാണ് അമൃത സുരേഷ്.
No comments: