48 കാരിയായി ആശ ശരത്ത്, ജോര്‍ജ്ജു ജോര്‍ജ്ജിൻ്റെ സ്റ്റൈലിഷ് അവതാരം!; വേറിട്ട പ്രണയം പറയുന്ന 'പീസ്' വിശേഷം ഇങ്ങനെ!

ജോജു ജോര്‍ജ്ജിന്റെ സ്‌റ്റൈലിഷ് അവതാരത്തിലൂടെയും ബൈക്ക് സ്റ്റണ്ട് രംഗത്തെ കുറിച്ച് പറഞ്ഞും എന്ന ചിത്രം ഇതിനോടകം ശ്രദ്ധ നേടിയിട്ടുള്ളതാണ്. ചിത്രത്തില്‍ ആശ ശരത്ത് ഒരു പ്രധാന വേഷത്തെ അവതരിപ്പിക്കുന്നുണ്ട്. ജോജുവിന്റെ പെയര്‍ ആയിട്ടാണ് ആശ ശരത്ത് എത്തുന്നത് എന്ന് സംവിധായകന്‍ സന്‍ഫീര്‍ പറയുന്നു. സന്‍ഫീറിന്റെ ആദ്യ സംവിധാന സംരംഭമാണ് പീസ് എന്ന ചിത്രം നാല്‍പ്പത്തിയെട്ടുകാരിയായ ജലജ എന്ന കഥാപാത്രത്തെയാണ് ആശ ശരത്ത് ചിത്രത്തില്‍ അവതരിപ്പിയ്ക്കുന്നത് എന്ന് സംവിധായകന്‍ പറഞ്ഞു. വീട്ടിലെ ഊണ് എന്ന ഹോട്ടല്‍ നടത്തിപ്പുകാരിയാണ് ജലജ. കേരള കുടുംബ ശ്രീ പോലുള്ള വനിതാ കൂട്ടായ്മയായ ഭവന ശ്രീയുടെ കീഴിലാണ് വീട്ടിലെ ഊണ് എന്ന ഹോട്ടല്‍ നടത്തുന്നത്. Also Read: ജലജയ്ക്കും ജോജു ജോര്‍ജ്ജ് അവതരിപ്പിയ്ക്കുന്ന കര്‍ലോസ് എന്ന കഥാപാത്രത്തിനും ഒരു ബന്ധമുണ്ട്. പതിവ് പ്രണയ സങ്കല്‍പങ്ങളെ മാറ്റി എഴുതുന്ന തരമൊരു ബന്ധമാണത്. ഹാസ്യത്തിലൂടെയാണ് ജലജ എന്ന കഥാപാത്രം എത്തുന്നത്. അവര്‍ തമ്മിലുള്ള സംഭാഷണങ്ങള്‍ രസകരവും തമാശ നിറഞ്ഞതുമാണ്. അങ്ങിനെ മുന്നോട്ട് പോകവെ ഒരു ഘട്ടത്തില്‍ ജലജയ്ക്ക് നേരിടേണ്ടി വരുന്ന പ്രതിസന്ധികളാണ് സിനിമയുടെ കഥ- സംവിധായകന്‍ പറഞ്ഞു. ആശ ശരത്ത് ചിത്രത്തില്‍ ഓട്ടോറിക്ഷ ഓടിയ്ക്കുന്നുണ്ട്. ഭവനശ്രീയുടെ ഭക്ഷണം സ്വന്തം ഓട്ടോറിക്ഷയില്‍ കൊണ്ടുപോയി കൊടുക്കുന്നതും ജലജ തന്നെയാണ്. നേരത്തെ അനുശ്രീയും ഭാവനയും സിനിമകളില്‍ ഓട്ടോറിക്ഷ ഡ്രൈവര്‍മാരായി എത്തിയിരുന്നു. പക്ഷെ ഇത് അതുപോലയല്ല എന്ന് സന്‍ഫീര്‍ പറയുന്നു. Also Read: എണ്‍പത് ശതമാനത്തോളം ചിത്രത്തിന്റെ ഷൂട്ടിങ് പൂര്‍ത്തിയായതാണ്. സംവിധായകന്‍ തന്നെയാണ് ചിത്രത്തിന്റെ കഥയും എഴുതിയിരിയ്ക്കുന്നു. സഫര്‍ സനലും രമേഷ് ഗിരിജയും ചേര്‍ന്ന് തിരക്കഥ എഴുതിയ ചിത്രത്തിന് വേണ്ടി സംഗീത സംവിധാനം നിര്‍വ്വഹിയ്ക്കുന്ന ജുബൈര്‍ മുഹമ്മദ് ആണ്. നൗഫല്‍ അബ്ദുള്ളയാണ് ചിത്രത്തിന് വേണ്ടി ക്യാമറ ചലിപ്പിയ്ക്കുന്നത്. രമ്യ നമ്പീശന്‍, സിദ്ധിഖ്, ഷാഹുല്‍ റഹീം, വിജിലേഷ് കര്യാട്, അദിതി രവി, മാമൂക്കോയ, അര്‍ജ്ജുന്‍ സിംഗ്, അനില്‍ നെടുമങ്ങാട് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിയ്ക്കുന്നത്. അജയന്‍ അദത് ചിത്രത്തിന് വേണ്ടി സൗണ്ട് ഡിസൈന്‍ ചെയ്യുന്നു. ഷാജി പുല്‍പള്ളി മേക്കപ്പ് ആര്‍ട്ടിസ്റ്റായി എത്തുന്ന ചിത്രത്തിലെ കഥാപാത്രങ്ങളുടെ കോസ്റ്റിയൂം ഡിസൈനര്‍ ജിഷാദ് ഷംസുദ്ദീനാണ്.

രസകരവും തമാശ നിറഞ്ഞതുമാണ് അവര്‍ തമ്മിലുള്ള സംഭാഷണങ്ങള്‍. അങ്ങനെ മുന്നോട്ട് പോകവെ ഒരു ഘട്ടത്തില്‍ ജലജയ്ക്ക് നേരിടേണ്ടി വരുന്ന പ്രതിസന്ധികളാണ് സിനിമയുടെ കഥയിലുടെ പറയുന്നതെന്ന് സംവിധായകന്‍ പറഞ്ഞു.