നാല് വര്‍ഷം വരെ കാത്തിരുന്നില്ലേ... ഇനി കുറച്ച് ദിവസങ്ങള്‍ കൂടെ കാക്കൂ.. പ്ലീസ്... ചിമ്പു ഫാന്‍സിനോട് സംവിധായകന്‍!

ഹന്‍സിക മോട്ട്വാനിയെ കേന്ദ്ര കഥാപാത്രമാക്കി ജമീല്‍ സംവിധാനം ചെയ്യുന്ന ചിത്രമാണ് മഹ. ഹന്‍സികയുടെ കരിയറിലെ അന്‍പതാമത്തെ ചിത്രമെന്ന പ്രത്യേകതയോടെ വരുന്ന സിനിമയില്‍ സിലമ്പരസന്‍ എന്ന ചിമ്പു ഒരു പ്രധാന റോളില്‍ എത്തുന്നുണ്ട്. ചിത്രീകരണം പൂര്‍ത്തിയാക്കിയ സിനിമ റിലീസിനായി കാത്തരിയ്ക്കുകയാണ്. അതിനിടയിലാണ് മഹ ഒടിടി റിലീസിന് ഒരുങ്ങുന്ന എന്ന വിവരം പുറത്ത് വന്നത്. എന്നാല്‍ പ്രചരിയ്ക്കുന്നത് തീര്‍ത്തും വാസ്തവ വിരുദ്ധമായ കാര്യങ്ങളാണെന്ന് ചിത്രത്തിന്റെ സംവിധായകന്‍ ജമീല്‍ ട്വിറ്ററിലൂടെ വ്യക്തമാക്കി. Also Read: പോസ്റ്റ് പ്രൊഡക്ഷന്‍ ജോലികള്‍ പൂര്‍ത്തിയാക്കിയ മഹ ഒടിടി റിലീസിന് ഒരുങ്ങുകയാണ്. ഹോട്‌സ്റ്റാറുമായി ചര്‍ച്ച നടത്തി. നേരിട്ട് ഹോട്‌സ്റ്റാറിലൂടെ റിലീസ് ചെയ്യും. നിലവിലെ കൊവിഡ് സാഹചര്യത്തിലാണ് ഈ തീരുമാനം. എന്നൊക്കെയാണ് ചിമ്പുവിന്റെ ട്വിറ്റര്‍ ഫാന്‍സ് പേജിലൂടെ പുറത്ത് വന്ന വാര്‍ത്തകള്‍. എന്നാല്‍ ഇത് വ്യാജ വാര്‍ത്തയാണെന്ന് ജമീല്‍ പറഞ്ഞു. ചിമ്പു ആരാധകരുടെ വികാരം ഞാന്‍ മനസ്സിലാക്കുന്നു. എനിക്കറിയാം, ഷൂട്ടിങ് തുടങ്ങിയിട്ട് നാല് വര്‍ഷം ആവുന്നു. പക്ഷെ യാഥാര്‍ത്യമെന്താണെന്ന് മനസ്സിലാക്കാന്‍ നിങ്ങള്‍ കുറച്ച് ദിവസം കൂടെ കാത്തിരിയ്ക്കൂ. എന്റെ സിനിമയ്ക്ക് ചിമ്പു ആരാധകര്‍ നല്‍കുന്ന സ്‌നേഹത്തിന് ഞാനെന്നും നന്ദിയുള്ളവനായിരിയ്ക്കും- എന്നാണ് ജമീലിന്റെ ട്വിറ്റര്‍ പോസ്റ്റ്. Also Read: പ്രണയ ബ്രേക്കപ്പിന് ശേഷം ഹന്‍സികയും ചിമ്പുവും ഒന്നിയ്ക്കുന്നു എന്ന തരത്തിലും മഹ എന്ന ചിത്രത്തിന് ശ്രദ്ധ ലഭിച്ചിരുന്നു. ഇരുവരും ഇപ്പോള്‍ നല്ല സുഹൃത്തുക്കളാണത്രെ. നേരത്തെ റിലീസ് ചെയ്ത ചിത്രത്തിന്റെ പോസ്റ്ററുകള്‍ക്കെല്ലാം ആരാധകരില്‍ നിന്നും മികച്ച പിന്തുണയാണ് ലഭിച്ചത്. ചിമ്പുവിനെയും ഹന്‍സികയെയും കൂടാതെ ശ്രീകാന്തും സിനിമയില്‍ ഒരു പ്രധാന വേഷം ചെയ്യുന്നുണ്ട്. ഗിബ്രാനാണ് മഹ എന്ന ചിത്രത്തിന് വേണ്ടി സംഗീത സംവിധാനം നിര്‍വ്വഹിയ്ക്കുന്നത്. ലക്ഷ്മണും ജോണ്‍ അബ്രഹാമും ചേര്‍ത്ത് ചിത്രത്തിന്റെ ഛായാഗ്രഹണവും ചിത്ര സംയോജനവും നിര്‍വ്വഹിയ്ക്കുന്നു.

എന്റെ സിനിമയ്ക്ക് ചിമ്പു ആരാധകര്‍ നല്‍കുന്ന സ്‌നേഹത്തിന് ഞാനെന്നും നന്ദിയുള്ളവനായിരിയ്ക്കുമെന്നാണ് ജമീൽ ട്വിറ്ററിൽ ട്വീറ്റ് ചെയ്തിരിക്കുന്നത്. മഹ എന്ന ചിത്രം ഒടിടി റിലീസിന് തയ്യാറെടുക്കുകയാണ്. ഹോട്ട്സ്റ്റാറുമായി ചര്‍ച്ച നടത്തി ചിത്രം ഹോട്ട്സ്റ്റാറിലൂടെ റിലീസ് ചെയ്യും