'നെഞ്ചത്ത് ഒരു കരിങ്കല്ല് എടുത്ത് വെച്ചിട്ടാണ് നിങ്ങൾ പോയത്'! 'നായാട്ടി'നെ കുറിച്ച് മഞ്ജു

ജോജു ജോ‍ർജ്ജും കുഞ്ചാക്കോ ബോബനും നിമിഷ സജയനും ഒരുമിച്ച് തീയേറ്ററുകളിൽ ശ്രദ്ധ നേടിയ ശേഷം അടുത്തിടെയാണ് ഒടിടിയിലെത്തിയത്. ഇപ്പോള്‍ ചിത്രത്തെ കുറിച്ചാണ് സോഷ്യൽമീഡിയയിലെ ചർച്ച. ഇപ്പോഴിതാ സിനിമ കണ്ട ശേഷമുള്ള പ്രതികരണം സോഷ്യൽമീഡിയയിൽ പങ്കുവെച്ചിരിക്കുകയാണ് നടി . ''മിസ്റ്റർ മാ‍ർട്ടിൻ പ്രക്കാട്ട് നിങ്ങൾ എന്താണ് ഈ ചെയ്തു വെച്ചിരിക്കുന്നത്... ?? എവിടുന്ന് കിട്ടി നിങ്ങൾക്ക് ഈ ആർട്ടിസ്റ്റുകളെ..?? എവിടുന്നു കിട്ടി ഈ കഥ?? ഇന്നലെ രാത്രി അറിയാതെ ഒന്ന് കണ്ടു പോയി. പിന്നെ ഉറങ്ങാൻ പറ്റണ്ടേ. നെഞ്ചത്ത് ഒരു കരിങ്കല്ല് എടുത്ത് വെച്ചിട്ട് നിങ്ങൾ അങ്ങ് പോയി. ജോജു ജോര്‍ജ്ജ് ചേട്ടാ എന്തൊരു അച്ഛനാണ് നിങ്ങൾ, എന്തൊരു ഓഫീസറാണ്. ഏറ്റവും ചിരി വന്നത് മകളുടെ മോണോആക്ട് വീട്ടിൽ വന്ന ആളെ ഇരുത്തി കാണിക്കുന്നത് കണ്ടപ്പോഴാണ്. മണിയൻ ഇപ്പോഴും മനസ്സിൽ നിന്നു പോകുന്നില്ല.. നിങ്ങൾ തൂങ്ങിയാടിയപ്പോൾ ഞങ്ങൾ ആകെ അനിശ്ചിതത്വത്തിലായി പോയല്ലോ. ആ മകൾ ഇനി എന്ത് ചെയ്യും?? Also Read: മി. ചാക്കോച്ചൻ നിങ്ങളുടെ കരിയറിലെ ഏറ്റവും തിളക്കമുള്ള ആളായിരിക്കും പ്രവീൺ മൈക്കിള്‍. പറഞ്ഞും എഴുതിയും ഒന്നും വെക്കാൻ പറ്റുന്നതല്ല നിങ്ങളുടെ പ്രകടനം. എന്തൊക്കെയോ ഉള്ളിലൊതുക്കി പ്രേക്ഷകനെ കൺഫ്യൂഷൻ അടുപ്പിച്ചാണ് നിങ്ങൾ ഇടിവണ്ടീൽ കേറി പോയത്. നിമിഷ സജയൻ മേക്കപ്പ് ഇടത്തില്ലായോ ?? എന്ന് പറഞ്ഞ് ആരോ എന്തൊരോ ഇച്ചിരി നാൾക്കു മുൻപ് കൊച്ചിനോട് എന്തോ പറയുന്നത് കേട്ടു. അതിനെയെല്ലാം പൊളിച്ചടുക്കികൊടുത്തു മോളേ നീ. ഏറെ സ്നേഹം. പിന്നെ മോനെ ബിജു (ഡിനീഷ്) നീ എന്തായിരുന്നു. എന്തൊരു അഹങ്കാരമായിരുന്നു നിന്‍റെ മുഖത്ത്. അടിച്ച് താഴത്ത് ഇടാൻ തോന്നും. കുറച്ചു പാവങ്ങളെ ഇട്ടു ഓടിച്ചപ്പോൾ നിനക്ക് തൃപ്തിയായല്ലോ. Also Read: ഇതൊക്കെ സിനിമ കണ്ടുകൊണ്ടിരുന്നപ്പോൾ തോന്നിയ എന്‍റെ ആവലാതികൾ ആണ്. അഭ്രപാളിയിൽ ഇനിയും ഒരുപാട് വേഷങ്ങൾ ആടിത്തിമിർക്കേണ്ടിയിരുന്ന അനിൽ നെടുമങ്ങാടിന്‍റെ മറ്റൊരു പോലീസ് വേഷം അൽപ്പം സങ്കടത്തോടെയാണ് കണ്ടിരുന്നത്. കൂട്ടത്തിൽ യമ ഗിൽഗമേഷ്, എസ് പി അനുരാധ യായി കിടുക്കി. മനോഹരമായൊരു സിനിമ ഞങ്ങൾക്ക് തന്നതിന് എത്രകണ്ട് നന്ദി പറഞ്ഞാലും തീരില്ല.. ഡയറക്ഷൻ സിനിമാറ്റോഗ്രാഫി കാസ്റ്റ് കോസ്റ്റ്യൂം എല്ലാവരും പൊളിച്ചടുക്കി. വലുതും ചെറുതുമായ എല്ലാ വേഷങ്ങളിൽ വന്നവരും ആടിത്തിമിർത്തിട്ട് പോയി. ഇരയെ വേട്ടയാടാൻ നായാട്ടിനു വരുന്നവൻ മറ്റൊരുവനാൽ വേട്ടയാടപ്പെട്ടുകൊണ്ടേയിരിക്കുന്നു'', മഞ്ജു സുനിച്ചൻ ഫേസ്ബുക്കിൽ കുറിച്ചിരിക്കുകയാണ്. Also Watch :

ഇനിയുമേറെ വേഷങ്ങൾ ആടിത്തിമിർക്കേണ്ടിയിരുന്ന അനിൽ നെടുമങ്ങാട് അവതരിപ്പിച്ച പോലീസ് വേഷം അൽപ്പം സങ്കടത്തോടെയാണ് കണ്ടിരുന്നു പോയതെന്ന് മഞ്ജു കുറിച്ചിരിക്കുകയാണ്