അല്ലു അര്‍ജ്ജുനും ഫഹദ് ഫാസിലും ഒന്നിയ്ക്കുന്ന പുഷ്പ എന്ന ചിത്രത്തെ കുറിച്ച് തീര്‍ച്ചയായും അറിഞ്ഞിരിക്കേണ്ട അഞ്ച് കാര്യങ്ങള്‍
വന്‍ പ്രതീക്ഷയോടെ ഒരുങ്ങുന്ന തെലുങ്ക് ചിത്രമാണ് അല്ലു അര്‍ജ്ജുന്‍ നായകനാകുന്ന പുഷ്പ. ഫഹദ് ഫാസില്‍ സിനിമയില്‍ വില്ലനായി എത്തുന്നു എന്നതാണ് മലയാളികളെ കൂടുതല്‍ ത്രില്ലടിപ്പിയ്ക്കുന്നത്. ഇപ്പോഴുള്ള നായികമാരില്‍ മാര്‍ക്കറ്റുള്ള രശ്മിക മന്ദാന എന്ന നായികയുടെ പേരും സിനിമയ്ക്ക് പ്രതീക്ഷ നല്‍കുന്നുണ്ട്. അതിനൊക്കെ അപ്പുറം സുകുമാര്‍ എന്ന സംവിധായകനിലും അദ്ദേഹം മുന്‍പ് ചെയ്തിട്ടുള്ള സിനിമകളിലും ഉള്ള വിശ്വാസമാണ് സിനിമയെ കൂടുതല്‍ ആകര്‍ഷിക്കുന്നത്.പുഷ്പ എന്ന ചിത്രത്തെ കുറിച്ച് ഇതിനോടകം പല വാര്‍ത്തകളും പുറത്ത് വന്നിട്ടുണ്ട്. ആന്ധ്രാ പ്രദേശിലെ ഉള്‍നാടുകളില്‍ നടന്ന കള്ളക്കടത്തുകളെ ആസ്പദമാക്കിയാണ് സിനിമയുടെ കഥ പുരോഗമിയ്ക്കുന്നത്. ദേവി ശ്രീ പ്രസാദാണ് ചിത്രത്തിന് സംഗീത സംവിധാനം നിര്‍വ്വഹിയ്ക്കുന്നത്. ഇതൊന്നുമല്ലാത്ത ചില കാര്യങ്ങളും സിനിമയെ കുറിച്ച് ആരാധകര്‍ അറിഞ്ഞിരിക്കേണ്ടതുണ്ട്. തീര്‍ച്ചയായും ആ കാര്യങ്ങള്‍ സിനിമയെ കുറിച്ചുള്ള നിങ്ങളുടെ പ്രതീക്ഷ വര്‍ദ്ധിപ്പിയ്ക്കുക തന്നെ ചെയ്യും.Also Read: 'അപരന്‍' സുപരിചിതനായിട്ട് 33 വര്‍ഷം; ആദ്യ സിനിമയുടെ ഓര്‍മ്മകളുമായി ജയറാംപുഷ്പ രണ്ട് ഭാഗങ്ങളായിട്ടായിരിയ്ക്കും തിയേറ്ററില്‍ എത്തുന്നത് എന്ന വാര്‍ത്ത ചിത്രത്തിന്റെ നിര്‍മാതാക്കളില്‍ ഒരാളായ വൈ രവി ശങ്കര്‍ സ്ഥിരീകരിച്ചു കഴിഞ്ഞു. ഒരുപാട് സാധ്യതകളുള്ള കഥയാണ് പുഷ്പയുടേത്. രണ്ടര മണിക്കൂറില്‍ ആ കഥ പറഞ്ഞു തീര്‍ക്കാന്‍ പ്രയാസമാണ്. അതുകൊണ്ട് തന്നെ സംവിധായകന്‍ സുകുമാറും നായകന്‍ അല്ലു അര്‍ജ്ജുനും ചര്‍ച്ച ചെയ്ത ശേഷമാണ് പുഷ്പ രണ്ട് ഭാഗങ്ങളായി എടുക്കാം എന്ന തീരുമാനത്തിലെത്തിയത്. അതുകൊണ്ട് തന്നെ ചിത്രത്തിന്റെ രണ്ടാം ഭാഗത്തിന്റെ പത്ത് ശതമാനത്തോളം ഷൂട്ടിങ് ഞങ്ങള്‍ പൂര്‍ത്തിയാക്കി കഴിഞ്ഞു.
ചിത്രത്തിന്റെ ആദ്യ ഭാഗത്തിന്റെ എണ്‍പത് ശതമാനത്തോളം ഷൂട്ടിങ് പൂര്‍ത്തിയാക്കിയതാണ്. ബാഹുബലി പോലെ രണ്ട് ഭാഗങ്ങളായി ചിത്രം റിലീസ് ചെയ്യാന്‍ പ്രേരിപ്പിച്ചത് ചിത്രത്തിന്റെ സമയ പരിധിയാണ്. രണ്ട് ഭാഗങ്ങളായി എടുക്കുന്നത് കൊണ്ട് ചിത്രീകരണത്തിനൊപ്പം എഡിറ്റിങ് ജോലികളും നടന്നുകൊണ്ടിരിയ്ക്കുന്നു. ലോക്ക് ഡൗണിന് ശേഷം ചിത്രത്തിന്റെ ചിത്രീകരണം പുനരാരംഭിയ്ക്കാനാണ് തീരുമാനിച്ചിരിയ്ക്കുന്നത്. ഇക്കാര്യങ്ങളെ കുറിച്ചുള്ള ഔദ്യോഗിക വിവരം വരും ദിവസങ്ങളില്‍ പുറത്ത് വരും.
ഫഹദ് ഫാസില്‍ ചിത്രത്തിലെ വില്ലനായി എത്തുന്നു എന്ന കാര്യം നേരത്തെ മലയാളി ആരാധകര്‍ ആഘോഷിച്ച വാര്‍ത്തയാണ്. ആദ്യ ഭാഗത്തിന്റെ അവസാനം മാത്രമേ ഫഹദ് ഫാസില്‍ ചിത്രത്തില്‍ എത്തുന്നുള്ളൂ എന്നാണ് പുതിയ വാര്‍ത്തകള്‍. അല്ലു അര്‍ജ്ജുനും രശ്മിക മന്ദാനയും ആദ്യമായി ഒന്നിയ്ക്കുന്ന ചിത്രമാണ് പുഷ്പ. ഇവരെ കൂടാതെ പ്രകാശ് രാജ്, ജഗപതി ബാബു, ധന്‍ജയ് സുനില്‍, ഹാരിഷ് ഉത്തമന്‍, വെണ്ണില കിഷോര്‍, അനസൂയ ഭരദ്വാജ് എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിയ്ക്കുന്നു. 250 കോടി രൂപ ചെലവിട്ടാണ് ചിത്രം ഒരുക്കുന്നത്. ഈ വര്‍ഷം ഒക്ടോബറില്‍ ചിത്രത്തിന്റെ ആദ്യ ഭാഗം റിലീസ് ചെയ്യും. അടുത്ത ഘട്ടം 2022 ല്‍ ആയിരിയ്ക്കും എന്നാണ് റിപ്പോര്‍ട്ടുകള്‍.
മൈത്രി മൂവി മേക്കേഴിന്റെയും മുട്ടംസെട്ടി മീഡിയയുടെയും ബാനറില്‍ നവീന്‍ യെര്‍നേനിയും വൈ രവിശങ്കറും ചേര്‍ന്നാണ് പുഷ്പ നിര്‍മിയ്ക്കുന്നത്. മിറോസ്ലോ കുബ ബറോസ്‌ക്കാണ് ചിത്രത്തിന് വേണ്ടി ക്യാമറ ചലിപ്പിയ്ക്കുന്നത്. ദേവി ശ്രീ പ്രസാദാണ് ചിത്ത്രതിന്റെ സംഗീതം സംവിധാനവും സൗണ്ട് ട്രാക്കും നിര്‍വ്വഹിയ്ക്കുന്നത്. ഓസ്‌കാര്‍ ജേതാവ് റസൂല്‍ പൂക്കുറ്റി സൗണ്ട് എന്‍ജിനിയറായി പ്രവൃത്തിയ്ക്കുന്ന ചിത്രത്തിന് വേണ്ടി ചിത്രസംയോജനം നടത്തുന്നത് കാര്‍ത്തിക് ശ്രീനിവാസ് ആണ്.
ചിത്രത്തില്‍ അല്ലു അര്‍ജ്ജുന്റെ ലുക്ക് വളരെ പെട്ടന്നാണ് ആരാധകരില്‍ ഇംപാക്ട് ഉണ്ടാക്കിയത്. അതുകൊണ്ട് തന്നെ ചിത്രത്തിന്റെ ടീസര്‍ റിലീസ് ചെയ്ത് മണിക്കൂറുകള്‍ക്കകം വൈറലാവുകയും ചെയ്തു. 1.5 മില്യണ്‍ ആളുകളാണ് ഏപ്രില്‍ 7 ന് പുറത്ത് വിട്ട ടീസര്‍ കണ്ടത്. ഇത് തെലുങ്ക് 'ടീസര്‍ ചരിത്രത്തിന്റെ' റെക്കോഡുകള്‍ ഭേദിച്ചു എന്നാണ് അണിയറ പ്രവര്‍ത്തകര്‍ പറയുന്നത്.
വന്‍ പ്രതീക്ഷയോടെ ഒരുങ്ങുന്ന തെലുങ്ക് ചിത്രമാണ് അല്ലു അര്‍ജ്ജുന്‍ നായകനാകുന്ന പുഷ്പ. ഫഹദ് ഫാസില്‍ സിനിമയില്‍ വില്ലനായി എത്തുന്നു എന്നതാണ് മലയാളികളെ കൂടുതല്‍ ത്രില്ലടിപ്പിയ്ക്കുന്നത്. ഇപ്പോഴുള്ള നായികമാരില്‍ മാര്‍ക്കറ്റുള്ള രശ്മിക മന്ദാന എന്ന നായികയുടെ പേരും സിനിമയ്ക്ക് പ്രതീക്ഷ നല്‍കുന്നുണ്ട്. അതിനൊക്കെ അപ്പുറം സുകുമാര്‍ എന്ന സംവിധായകനിലും അദ്ദേഹം മുന്‍പ് ചെയ്തിട്ടുള്ള സിനിമകളിലും ഉള്ള വിശ്വാസമാണ് സിനിമയെ കൂടുതല്‍ ആകര്‍ഷിക്കുന്നത്.പുഷ്പ എന്ന ചിത്രത്തെ കുറിച്ച് ഇതിനോടകം പല വാര്‍ത്തകളും പുറത്ത് വന്നിട്ടുണ്ട്. ആന്ധ്രാ പ്രദേശിലെ ഉള്‍നാടുകളില്‍ നടന്ന കള്ളക്കടത്തുകളെ ആസ്പദമാക്കിയാണ് സിനിമയുടെ കഥ പുരോഗമിയ്ക്കുന്നത്. ദേവി ശ്രീ പ്രസാദാണ് ചിത്രത്തിന് സംഗീത സംവിധാനം നിര്‍വ്വഹിയ്ക്കുന്നത്. ഇതൊന്നുമല്ലാത്ത ചില കാര്യങ്ങളും സിനിമയെ കുറിച്ച് ആരാധകര്‍ അറിഞ്ഞിരിക്കേണ്ടതുണ്ട്. തീര്‍ച്ചയായും ആ കാര്യങ്ങള്‍ സിനിമയെ കുറിച്ചുള്ള നിങ്ങളുടെ പ്രതീക്ഷ വര്‍ദ്ധിപ്പിയ്ക്കുക തന്നെ ചെയ്യും.Also Read: 'അപരന്‍' സുപരിചിതനായിട്ട് 33 വര്‍ഷം; ആദ്യ സിനിമയുടെ ഓര്‍മ്മകളുമായി ജയറാം
No comments: