'എനിക്ക് സൗത്ത് ഇന്ത്യക്കാരി ലുക്ക് ഇല്ല' എന്നായിരുന്നു രാജീവ് കുമാറിന്റെ സിനിമയിലേക്ക് വിളിച്ചപ്പോള്‍ താനാദ്യം പറഞ്ഞത്; ഷൈലീ!

സന്തോഷ് ശിവന്‍ നിര്‍മിച്ച ഉറുമി എന്ന ചിത്ത്രതില്‍ ഒരു ചെറിയ റോളില്‍ അഭിനയിച്ച നടിയായിരുന്നു ഷൈലീ കൃഷന്‍. അന്ന് ആ സിനിമയില്‍ അഭിനയിച്ചു കഴിഞ്ഞ ശേഷം ഷൈലീ തന്റെ സഹോദരനോട് പറഞ്ഞു, എന്നെങ്കിലും ഞാന്‍ അദ്ദേഹം സംവിധാനം ചെയ്യുന്ന ഒരു സിനിമയില്‍ അഭിനയിക്കും എന്ന്. അതിന് ശേഷം യാദൃശ്ചികമായിട്ടാണ് മഹ എന്ന ചിത്രത്തില്‍ ഷൈലീയ്ക്ക് അവസരം ലഭിച്ചത്. ഹിന്ദിയിലും ഇംഗ്ലീഷിലുമാണ് സന്തോഷ് ശിവന്‍ സംവിധാനം ചെയ്ത മഹ റിലീസ് ചെയ്തത്. ജാക്ക് ആന്റ് ജില്‍, ബര്‍മൂട എന്നീ ചിത്രങ്ങളിലൂടെ മലയാള സിനിമയിലെ കേന്ദ്ര കഥാപാത്രങ്ങളിലൊരാളായി മാറുകയാണ് ഷൈലീ. ഇപ്പോള്‍ ഷൈലി പറുന്നത് ഒരു ദിവസം ഞാനും സംവിധായികയാകും എന്നാണ്. തന്റെ പുതിയ മലയാള സിനിമകളെ കുറിച്ചും ഹിന്ദി സിനിമയെ കുറിച്ചും സംസാരിക്കുകയായിരുന്നു ഷൈലീ. Also Read: ജാക്ക് ആന്റ് ജില്‍ എന്ന ചിത്രത്തില്‍ സാറിന് ഒപ്പമായിരുന്നു എന്റെ ഭൂരിഭാഗം രംഗങ്ങളും. മലയാളം ഡയലോഗുകള്‍ പറയാന്‍ എനിക്ക് വളരെ അധികം ബുദ്ധിമുട്ടുകള്‍ നേരിടേണ്ടി വന്നു. അപ്പോഴൊക്കെ നെടുമുടി സര്‍ വളരെ അധികം സഹായിച്ചു. ഞാനൊരു പരിശീലനം ലഭിച്ച അഭിനേതാവല്ല. എന്നാല്‍ അദ്ദേഹത്തിനൊപ്പം അഭിനയിച്ച അനുഭവത്തിലൂടെ നല്ലൊരു സഹ അഭിനേതാവിന്റെ പ്രാധാന്യം ഞാന്‍ തിരച്ചറിഞ്ഞു. 2019 ലാണ് ചിത്രത്തിന്റെ ഷൂട്ടിങ് ഞങ്ങള്‍ ആരംഭിച്ചത്. അദ്ദേഹത്തിനൊപ്പമുള്ള അഭിനയമാണ് ഞാന്‍ ഈ സിനിമയില്‍ ഏറ്റവും കൂടുതല്‍ ആസ്വദിച്ചത്- ഷൈലീ പറഞ്ഞു. രാജീവ് കുമാര്‍ സംവിധാനം ചെയ്യുന്ന ബര്‍മൂട എന്ന ചിത്രത്തെ കുറിച്ച് എനിക്ക് കൂടുതല്‍ കാര്യങ്ങള്‍ പറയാന്‍ കഴിയില്ല. പക്ഷെ സിനിമയെ സംബന്ധിച്ച എന്റെ മനോഹരമായ ഓര്‍മകള്‍ പറയാന്‍ കഴിയും. ഒരു ന്യൂസ് പോര്‍ട്ടലിലുള്ള എന്റെ ഫോട്ടോ കണ്ടിട്ട് രാജീവ് കുമാര്‍ സര്‍ സന്തോഷ് ശിവന്‍ സാറിനെ വിളിച്ച് അന്വേഷിക്കുകയായിരുന്നു. അദ്ദേത്തോട് അന്വേഷിച്ച ശേഷം രാജീവ് സര്‍ എന്നെ നേരിട്ട് വിളിച്ച് പരിചയപ്പെടുത്തി. അദ്ദേഹം സംസാരിച്ചപ്പോള്‍ എനിക്ക് മനസ്സിലായി വളരെ ഡൗണ്‍ ടു ഏര്‍ത്ത് ആണ് രജീവ് സര്‍ എന്ന്. Also Read: എനിക്കിപ്പോഴും ഓര്‍മയുണ്ട്, രാജീവ് സര്‍ എന്നെ ബര്‍മൂട എന്ന ചിത്രത്തിലേക്ക് വിളിച്ചപ്പോള്‍ ഞാന്‍ ആദ്യം പറഞ്ഞത്, ' എന്നെ കാണാന്‍ ഒരു സൗത്ത് ഇന്ത്യക്കാരിയുടെ ലുക്ക് ഇല്ല' എന്നാണ്. 'എനിക്കൊരു വ്യത്യസ്ത ലുക്ക് ആണ് ആവശ്യം. മാത്രമല്ല, താങ്കളെ കാണാന്‍ സൗത്ത് ഇന്ത്യക്കാരി ലുക്ക് ഇല്ല എന്ന് ആരാണ് പറഞ്ഞത്' എന്നായിരുന്നു രാജീവ് സാറിന്റെ പ്രതികരണം. ചിത്രത്തിന്റെ ഷൂട്ടിങ് തുടങ്ങി ആദ്യത്തെ ഷോട്ടില്‍ എന്നെ ക്യാമറയിലൂടെ കണ്ടപ്പോള്‍ അദ്ദേഹം പറഞ്ഞത് 'താന്‍ ഇപ്പോള്‍ ശരിയായ സൗത്ത് ഇന്ത്യക്കാരിയെ പോലെ തന്നെയുണ്ട്' എന്നാണ്. തന്റെ ഹിന്ദി സിനിമകളെ കുറിച്ചും സംവിധാന മോഹങ്ങളെ കുറിച്ചും ഷൈലി പറഞ്ഞു. ഹിന്ദിയില്‍ സംവിധാനം ചെയ്യുന്ന ഒരു ചിത്രത്തിന്റെ കഥ എഴുതിയിരിയ്ക്കുന്നത് ഷൈലീ തന്നെയാണ്. ഞാന്‍ നേരത്തെ സ്വന്തമായി ഒരു ഹ്രസ്വ ചിത്രം തിരക്കഥ എഴുതി സംവിധാനം ചെയ്തിട്ടുണ്ട്. ഇപ്പോള്‍ പെണ്‍ സംവിധായകരും എഴുത്തുകാരുമെല്ലാം സിനിമയില്‍ സജീവമായി നില്‍ക്കുന്ന സമയമാണ്. എനിയ്ക്കും സംവിധാനത്തിലേക്ക് ഇറങ്ങാന്‍ താത്പര്യമുണ്ട്. ഒരു ദിവസം ഞാന്‍ സിനിമ സംവിധാനം ചെയ്യും- ആത്മവിശ്വാസത്തോടെ ഷൈലി കൃഷന്‍ പറഞ്ഞു.

ഞാനൊരു പരിശീലനം ലഭിച്ച അഭിനേതാവല്ലെന്നും എന്നാല്‍ അദ്ദേഹത്തിനൊപ്പം അഭിനയിച്ച അനുഭവത്തിലൂടെ നല്ലൊരു സഹ അഭിനേതാവിന്റെ പ്രാധാന്യം ഞാന്‍ തിരച്ചറിഞ്ഞുവെന്നും ഷൈലീ.