നൂറ് നായികമാരെ നോക്കി, അവസാനം എത്തിയത് പൂജയില്‍, കോമഡി ചെയ്യുന്നത് പ്രയാസമാണെന്ന് നടി

ബോളിവുഡിലും സൗത്ത് ഇന്ത്യയിലും ഒരേ സമയം സിനിമകള്‍ ചെയ്തുകൊണ്ടിരിയ്ക്കുന്ന തിരക്കിലാണ് പൂജ ഹെജ്‌ഡെ. കൈ നിറയെ സിനിമകളാണ്.. അതും സൂപ്പര്‍സ്റ്റാറുകള്‍ക്കൊപ്പം ബിഗ്ഗ് ബജറ്റ് ചിത്രങ്ങള്‍!! ബോളിവുഡില്‍ രോഹിത് ഷെട്ടിയ്‌ക്കൊപ്പം സര്‍ക്കസ്, തെലുങ്കില്‍ പ്രഭാസിനൊപ്പം രാധെ ശ്യാം തമിഴില്‍ വിജയ്‌ക്കൊപ്പം ദളപതി 65 തുടങ്ങിയ ചിത്രങ്ങളുടെ തിരക്കുകളിലാണ് പൂജ. ഇതിനൊപ്പം തെലുങ്കില്‍ ഭാസ്‌കര്‍ സംവിധാനം ചെയ്യുന്ന മോസ്റ്റ് എലിജിബിള്‍ ബാച്ചിലര്‍ എന്ന ചിത്രത്തിലും നായികഹെജ്‌ഡെയാണ്. ചിത്രത്തില്‍ ലേഡി സ്റ്റാന്റ് അപ് കോമഡിയന്‍ ആയിട്ടാണ് പൂജ എത്തുന്നത്. സിനിമയില്‍ കോമഡി അവതരിപ്പിയ്ക്കുക എന്നത് വളരെ അധികം പ്രയാസമുള്ള കാര്യമാണെന്ന് നടി പറയുന്നു. Also Read: നൂറില്‍ അധികം നായികമാരെയും മോഡലിനെയും ഓഡിഷന്‍ ചെയ്തതിന് ശേഷമാണ് ചിത്രത്തിലെ രണ്ട് നായികമാരെ കണ്ടെത്തിയത് എന്നാണ് ചിത്രത്തിന്റെ അണിയറ പ്രവര്‍ത്തകര്‍ പറഞ്ഞത്. ഇപ്പോള്‍ തന്റെ കഥാപാത്രത്തെ കുറിച്ച് പറയുകയാണ് പൂജ. കോമഡി അവതരിപ്പിയ്ക്കുന്നത് പൊതുവെ പ്രയാസമുള്ള കാര്യമാണ്. കോമഡി അവതരിപ്പിക്കുന്നവര്‍ മുന്‍പേ അതിന് വേണ്ടി മുന്നൊരുക്കങ്ങള്‍ നടത്തുകയും പരിശീലനം നേടുകയും ചെയ്തിട്ടുണ്ടാവും. സിനിമയുടെ കാര്യം അങ്ങനെയല്ല. എഴുതിവച്ച കാര്യങ്ങള്‍ തമാശയോടെ പറയണം എന്നത് കുറച്ച് കഷ്ടമാണ്. സ്റ്റാന്റ് അപ് കോമഡിയ്ക്ക് ആവുമ്പോള്‍ പ്രത്യേകം പഞ്ച് ഡയലോഗുകളുടെയെല്ലാം ആവശ്യവുമുണ്ട്. Also Read: സിനിമയ്ക്ക് വേണ്ടി ഞാന്‍ പല സ്റ്റാന്‍് അപ് കോമഡി ആര്‍ട്ടിസ്റ്റിനെയും നേരില്‍ പോയി കണ്ടു. അവര്‍ എങ്ങിനെയാണ് മുന്നൊരുക്കങ്ങള്‍ നടത്തുന്നത് എന്നും പഞ്ച് ഡയലോഗുകള്‍ പറയുന്നത് എന്നും, അപ്പോഴൊക്കെ മൈക്ക് എങ്ങിനെയാണ് ഉപയോഗിക്കുന്നത് എന്നും എല്ലാം ഞാന്‍ മനസ്സിലാക്കാനും പഠിക്കാനും ശ്രമിച്ചു. അതിനൊക്കെ പ്രത്യേകം ഒരു കഴിവ് വേണം- പൂജ ഹെജ്‌ഡെ പറഞ്ഞു. 2019 ല്‍ ഷൂട്ടിങ് ആരംഭിച്ച ചിത്രമാണ് മോസ്റ്റ് എലിജിബിള്‍ ബാച്ചിലര്‍. 2020 ജനുവരി പകുതിയോടെ ചിത്രത്തിന്റെ രണ്ടാം ഘട്ട ഷൂട്ടിങ് ന്യൂയോര്‍ക്കില്‍ നടന്നു. മാര്‍ച്ചില്‍ അടുത്ത ഘട്ട ഷൂട്ടിങ് നടന്നുകൊണ്ടിരിക്കെയാണ് നായകന്‍ അഖില്‍ അക്കിനേനിയ്ക്ക് പരിക്കേറ്റത്. അതോടെ ഷൂട്ടിങ് നിര്‍ത്തി വച്ചു. അപ്പോഴേക്കും കൊവിഡ് വൈറസ് ബാധിച്ചതോടെ ഷൂട്ടിങും നിലച്ചു. ഒടുവില്‍ 2020 സെപ്റ്റംബര്‍ മാസത്തോടെ സിനിമയുടെ ഷൂട്ടിങ് പൂര്‍ത്തിയാക്കുകയായിരുന്നു. ഇപ്പോള്‍ പോസ്റ്റ് പ്രൊഡക്ഷന്‍ ഘട്ടത്തിലാണ് ചിത്രം.

സിനിമയുടെ കാര്യം എഴുതിവച്ച കാര്യങ്ങള്‍ തമാശയോടെ പറയണം എന്നത് കുറച്ച് കഷ്ടമാണെന്ന് താരം പറയുന്നു. സ്റ്റാന്റ് അപ് കോമഡിയ്ക്ക് ആവുമ്പോള്‍ പ്രത്യേകം പഞ്ച് ഡയലോഗുകളുടെയും ആവശ്യവുമുണ്ടെന്നും നടി പറയുന്നു.