'വൃത്തികെട്ട പുരുഷാധിപത്യം എന്ന് പച്ചക്ക് പറയാം; മറ്റ് നിസാരവത്കരണം ആവശ്യം ഇല്ല' ശൈലജയെ ഒഴിവാക്കിയതില്‍ വിമര്‍ശനവുമായി താരങ്ങൾ!

രണ്ടാം പിണറായി മന്ത്രിസഭയിൽ നിന്നും കെ കെ ശൈലജയെ ഒഴിവാക്കിയത്തിൽ പ്രതിഷേധം അറിയിക്കുകയാണ് സോഷ്യൽ മീഡിയ. സിനിമ- സീരിയൽ താരങ്ങൾ മുതൽ കക്ഷി രാഷ്ട്രീയം മറന്ന് രാഷ്ട്രീയ പ്രവർത്തകർ വരെ ശൈലജയെ ഒഴിവാക്കിയതിൽ പ്രതിഷേധം അറിയിച്ചു കൊണ്ട് രംഗത്ത് വന്നിട്ടുണ്ട്. താൻ പാർട്ടി തീരുമാനം സംതൃപ്തിയോടെ അംഗീകരിക്കുന്നു എന്ന് ശൈലജ ടീച്ചർ അറിയിച്ചുവെങ്കിലും, ടീച്ചറിനെ ഉറപ്പായും തിരികെ എത്തിക്കണം എന്നാണ് താരങ്ങളും ടീച്ചറിന്റെ കടുത്ത ആരാധകരും സോഷ്യൽ മീഡിയ വഴി അറിയിക്കുന്നത്. ALSO READ: നടിമാരായ ഗീതു മോഹൻദാസ്, പാർവ്വതി തിരുവോത്ത്, രേവതി സമ്പത്ത്, റിമാ കല്ലിങ്കൽ, ഗായിക സിതാര കൃഷ്ണകുമാർ, ആര്യ ബഡായ്, രഞ്ജിനി ഹരിദാസ്, രമ്യ നമ്പീശൻ തുടങ്ങി നിരവധി പ്രമുഖ താരങ്ങൾ ആണ് സോഷ്യൽ മീഡിയ വഴി പ്രതിഷേധം അറിയിക്കുന്നത്. എന്തിനാണ് ടീച്ചറിനെ മാറ്റിയതെന്നും, ദയവായി തിരികെ കൊണ്ടുവരണമെന്നും പ്രതിഷേധം അറിയിച്ചുകൊണ്ട് താരങ്ങൾ കുറിച്ചു. അതിൽ രേവതി സമ്പത്ത് പങ്കിട്ട ഒരു പോസ്റ്റാണ് ഏറെ ശ്രദ്ധേയം ആയത്. "തലമുറമാറ്റം" എന്നൊന്നും പറഞ്ഞ് നിസാരവത്ക്കരണം വേണ്ട.വൃത്തികെട്ട പുരുഷാധിപത്യം എന്ന് പച്ചക്ക് പറയാം, അല്ലാതെ മറ്റ് നിസാരവത്കരണം ആവശ്യം ഇല്ല. ALSO READ: ശൈലജ ടീച്ചറിന്റെ ഭരണമികവിൽ അസ്വസ്തമായതും പേടിക്കുന്നതും പ്രതിപക്ഷം മാത്രം അല്ല,ഭരണപക്ഷം കൂടെ ആണ്..!!രണ്ടിലെയും ആൺ ബോധങ്ങൾ ഒന്ന് തന്നെ...!! "പെണ്ണിനെന്താ കുഴപ്പം"എന്ന അടി വീണത് എവിടെയൊക്കെയാണെന്ന് ഇതിൽ നിന്നും വ്യക്തം. ഇത് ഹൃദയഭേദകവും, തെറ്റും ആണ്", എന്നും രേവതി പ്രതികരിച്ചു. "ഞങ്ങൾ ജനങ്ങളുടെ വിശ്വാസവും കരുത്തും പ്രതീക്ഷയുമാണ് !!!! ദയവ്‌ ചെയ്തു തകർക്കരുത് .... അപേക്ഷയാണ്", ആര്യയും സോഷ്യൽ മീഡിയ വഴി കുറിക്കുകയുണ്ടായി. ഈ സാഹചര്യത്തിൽ ടീച്ചറുള്ളത് ഒരു ധൈര്യമായിരുന്നു!!! 5വർഷത്തെ പരിചയം ചെറുതല്ല!!! ടീച്ചറില്ലാത്തത്തിൽ കടുത്ത നിരാശ! പുതിയ മന്ത്രിസഭക്ക് ആശംസകൾ! എന്നാണ് സിത്താര കുറിച്ചത്. ഇതിന് ന്യായീകരണങ്ങളൊന്നുമില്ല! ഞങ്ങളുടെ ടീച്ചറെ തിരികെ കൊണ്ടുവരിക എന്നുള്ള വാക്കുകൾ കൊണ്ടാണ് നടി പാർവ്വതി തിരുവോത്ത് പ്രതികരിച്ചിരിക്കുന്നത്.

12 സിപിഎം മന്ത്രിമാരിൽ പിണറായി വിജയൻ ഒഴികെ ബാക്കിയെല്ലാം പുതുമുഖങ്ങളാണ്. മന്ത്രിസഭയിൽ പുതുതായി മൂന്ന് സ്ത്രീകൾ മന്ത്രിമാരായി വന്നതിൽ സന്തോഷവും സോഷ്യൽമീഡിയ അറിയിക്കുന്നുണ്ട്!