'മുറിവുകളും ചതവുകളും നമ്മെ കൂടുതൽ ശക്തരാക്കും'; 'നായാട്ട്' ഒടിടി റിലീസിന് പിന്നാലെ കുറിപ്പുമായി ചാക്കോച്ചൻ
ജോജു ജോര്‍ജ്ജും കുഞ്ചാക്കോ ബോബനും നിമിഷ സജയനും പ്രധാന വേഷത്തിലെത്തി ഏപ്രിലിൽ തീയേറ്ററുകളിലെത്തിയ ചിത്രമാണ് 'നായാട്ട്'. തീയേറ്ററുകളിൽ മികച്ച അഭിപ്രായം നേടിയ ചിത്രം കഴിഞ്ഞ ദിവസമാണ് നെറ്റ്‍ഫ്ലിക്സിലെത്തിയത്. സോഷ്യൽമീഡിയയിലുള്‍പ്പെടെ ചിത്രത്തെ കുറിച്ചും ചിത്രത്തിലെ ഓരോ കഥാപാത്രത്തെ കുറിച്ചും നിരവധി പേരാണ് കുറിപ്പുകള്‍ സിനിമാഗ്രൂപ്പുകളിലുള്‍പ്പെടെ പങ്കുവയ്ക്കുന്നത്. ഈ അവസരത്തിൽ ചിത്രത്തിലെ ഒരു രംഗം പങ്കുവെച്ചുകൊണ്ട് നടൻ കുഞ്ചാക്കോ ബോബൻ സോഷ്യൽമീഡിയയിൽ പങ്കുവെച്ചിരിക്കുന്ന കുറിപ്പ് ശ്രദ്ധ നേടിയിരിക്കുകയാണ്. ചിത്രത്തിന്‍റെ തുടക്കത്തിൽ വടം വലി മത്സരത്തിൽ പങ്കെടുക്കുന്നുണ്ട് കുഞ്ചാക്കോ ബോബൻ അവതരിപ്പിച്ച പ്രവീൺ മൈക്കിള്‍ എന്ന കഥാപാത്രം.
ആ സമയത്ത് സ്ക്രീനിൽ വന്ന സബ് ടൈറ്റിലും തന്‍റെ മാനസികാവസ്ഥയുമാണ് താരം കുറിപ്പിൽ പങ്കുവെച്ചിരിക്കുന്നത്. 'വിട്ടുകൊടുക്കാൻ മനസ്സിലാതെ ചീറ്റപ്പുലിയുടെ വേഗതയോടെ...'എന്നതാണ് ആ സമയത്തെ കമന്‍ററി, അതാണ് സബ് ടൈറ്റിലിൽ സ്ക്രീനിൽ വന്നിരിക്കുന്നത്. പ്രവീൺ മൈക്കിളും സംഘവും അടങ്ങുന്ന കിങ്സ് പിറവം വടം വലി ടീമാണ് വിജയം വരിക്കുന്നത്.
'ആകസ്മികമായിട്ടാണെങ്കിലും, സബ്‌ടൈറ്റിലിംഗിൽ എന്‍റെ മാനസികാവസ്ഥയും അവിസ്മരണീയമായ സിനിമകളുടെയും പ്രിയപ്പെട്ട കഥാപാത്രങ്ങളുടെയും ഭാഗമാകാനുള്ള തീവ്രമായ ശ്രമങ്ങളും എടുത്തുകാണിച്ചിരിക്കുന്നു, നായാട്ട്, പ്രവീൺ മൈക്കിള്‍, മുറിവുകളും ചതവുകളും നമ്മെ ഏറെ ശക്തകരും കാഠിന്യമുള്ളവരുമാക്കും. അതോടൊപ്പം വിനയവും സൗമ്യതയും നില നിർത്താൻ ഓർമ്മപ്പെടുത്തും' എന്നാണ് കുഞ്ചാക്കോ ബോബൻ കുറിച്ചിരിക്കുന്നത്.
കുഞ്ചാക്കോ ബോബന്‍റെ സമീപകാല സിനിമകളിൽ ഏറെ വേറിട്ട വേഷമാണ് 'നായാട്ടി'ലെ സിപിഒ പ്രവീൺ മൈക്കിള്‍ എന്ന കഥാപാത്രമെന്ന് സിനിമാഗ്രൂപ്പുകളിലുള്‍പ്പെടെ പലരും പുകഴ്ത്തുന്നുണ്ട്. മണിയൻ പോലീസായി എത്തിയ ജോജു ജോര്‍ജ്ജിനും സുനിത എന്ന വനിതാ പോലീസുകാരായെത്തിയ നിമിഷ സജയനുമൊപ്പം ഗംഭീര പ്രകടനമാണ് ചാക്കോച്ചൻ നടത്തിയിരിക്കുന്നതെന്നാണ് പ്രേക്ഷകരും നിരൂപകരും 'നായാട്ട്' ഇറങ്ങിയ ശേഷം ഒരു പോലെ വാഴ്ത്തിയത്. കുഞ്ചാക്കോ ബോബൻ അഭിനയിച്ച 'നിഴൽ' എന്ന സിനിമയും തീയേറ്റര്‍ റിലീസിന് പിന്നാലെ ഒടിടി റിലീസിനായി ഒരുങ്ങുകയാണ്.
Also Read: ചെപ്പക്കുറ്റി നോക്കി ഒരെണ്ണം പൊട്ടിക്കാൻ തോന്നി! 'നായാട്ടി'ലെ ബിജുവിനെ പുകഴ്ത്തി സോഷ്യൽമീഡിയ
ജോജു ജോര്‍ജ്ജും കുഞ്ചാക്കോ ബോബനും നിമിഷ സജയനും പ്രധാന വേഷത്തിലെത്തി ഏപ്രിലിൽ തീയേറ്ററുകളിലെത്തിയ ചിത്രമാണ് 'നായാട്ട്'. തീയേറ്ററുകളിൽ മികച്ച അഭിപ്രായം നേടിയ ചിത്രം കഴിഞ്ഞ ദിവസമാണ് നെറ്റ്‍ഫ്ലിക്സിലെത്തിയത്. സോഷ്യൽമീഡിയയിലുള്‍പ്പെടെ ചിത്രത്തെ കുറിച്ചും ചിത്രത്തിലെ ഓരോ കഥാപാത്രത്തെ കുറിച്ചും നിരവധി പേരാണ് കുറിപ്പുകള്‍ സിനിമാഗ്രൂപ്പുകളിലുള്‍പ്പെടെ പങ്കുവയ്ക്കുന്നത്.
No comments: