ശാലീന സുന്ദരിയായ അനു സിതാരയ്ക്ക് ആരാധകരേറെയാണ്. കാവ്യ മാധവനോടായിരുന്നു ഈ നായികയെ പ്രേക്ഷകര്‍ ഉപമിച്ചത്. ചുരുങ്ങിയ കാലം കൊണ്ട് തന്നെ മലയാളക്കരയുടെ ഇഷ്ടനായികയായി മാറുകയായിരുന്നു താരം. ഗ്ലാമറസ് കഥാപാത്രങ്ങളെ അവതരിപ്പിക്കാന്‍ താല്‍പര്യമില്ലെന്ന് താരം വ്യക്തമാക്കിയിരുന്നു. മികച്ച പിന്തുണയാണ് ആരാധകര്‍ അനുവിന് നല്‍കുന്നത്. ഈദ് ആശംസ നേര്‍ന്ന അനുവിനോട്് വര്‍ഗീയപരാമര്‍ശം നടത്തിയതും അതിന് അനു ചുട്ടമറുപടി നല്‍കിയതും സോഷ്യല്‍ മീഡിയ ഏറ്റെടുത്തിരിക്കുകയാണ്.സോഷ്യല്‍ മീഡിയയില്‍ സജീവമായി ഇടപെടുന്നയാളാണ് അനു സിതാര. സിനിമാവിശേഷങ്ങള്‍ മാത്രമല്ല മറ്റ് കാര്യങ്ങളെക്കുറിച്ചുമെല്ലാം പറഞ്ഞ് താരമെത്താറുണ്ട്. അഭിനയത്തിന് പുറമെ നൃത്തത്തിലും കഴിവ് തെളിയിച്ചിട്ടുണ്ട് താരം. ഭര്‍ത്താവ് പകര്‍ത്തിയ ചിത്രങ്ങള്‍ പങ്കുവെച്ചും അനിയത്തിക്കൊപ്പം ഡാന്‍സ് ചെയ്തുമൊക്കെ അനു സിത്താര എത്താറുണ്ട്. ഈദ് ആശംസ നേര്‍ന്നായിരുന്നു കഴിഞ്ഞ ദിവസം താരമെത്തിയത്. തലയില്‍ ഷോള്‍ അണിഞ്ഞുള്ള ചിത്രവും ആശംസയ്‌ക്കൊപ്പം പോസ്റ്റ് ചെയ്തിരുന്നു.
വ്യത്യസ്ത മതവിഭാഗത്തിലുള്ളവരാണ് തന്റെ മാതാപിതാക്കളെന്ന് അനു സിത്താര പറഞ്ഞിരുന്നു. അബ്ദുള്‍ സലാമിന്റേയും രേണുകയുടേയും മകളായ തന്നെ മതമോ ജാതിയോ അറിയിക്കാതെയാണ് വളര്‍ത്തിയതെന്ന് നേരത്തെ താരം പറഞ്ഞിരുന്നു. ഓണവും പെരുന്നാളുമെല്ലാം ഒരേ പോലെ ആഘോഷിക്കുന്നവരാണ് ഞങ്ങളെന്നും താരം പറഞ്ഞിരുന്നു. പരിവര്‍ത്തനം എങ്ങോട്ട് എന്നായിരുന്നു ഒരാള്‍ അനു സിതാരയുടോ പോസ്റ്റിന് കീഴില്‍ കമന്റിട്ടത്.
മനുഷ്യനിലേക്ക് എന്നായിരുന്നു അനു സിത്താരയുടെ മറുപടി. സംശയം ചോദിച്ചയാള്‍ക്ക് ചുട്ട മറുപടി നല്‍കിയ അനുവിന് പിന്തുണ അറിയിച്ച് ആരാധകരും എത്തിയിട്ടുണ്ട്. നിരവധി പേരാണ് കമന്റുകളുമായെത്തിയത്. മനുഷ്യനാവുക, അതിര്‍ത്തികള്‍ക്കപ്പുറം സ്‌നേഹിക്കാനും ഒപ്പം ചേര്‍ന്ന് നില്‍ക്കുവാനും നമ്മള്‍ പ്രാപ്തരാവുക, അനു സിതാരയുടെ മറുപടിയില്‍ എല്ലാമുണ്ടെന്നായിരുന്നു ആരാധകര്‍ പറഞ്ഞത്.
അനു സിതാരയുടെ വ്യക്തി ജീവിതത്തിലെ കാര്യങ്ങള്‍ നേരത്തെയും ചര്‍ച്ചയായിരുന്നു.വിഷ്ണുവുമായുള്ള പ്രണയ വിവാഹത്തെക്കുറിച്ച് താരം തുറന്നുപറഞ്ഞിരുന്നു. കലാരംഗത്ത് പ്രവര്‍ത്തിക്കുന്നതിന് എല്ലാവരും ശക്തമായ പിന്തുണയാണ് നല്‍കുന്നത്. ലൊക്കേഷനിലേക്ക് ഭര്‍ത്താവ് കൂട്ടുവരാറുണ്ട്. ഫോട്ടോഗ്രാഫറായതിനാല്‍ മനോഹരമായ ചിത്രങ്ങളും പകര്‍ത്തി നല്‍കാറുണ്ടെന്നും അനു പറഞ്ഞിരുന്നു.
ശാലീന സുന്ദരിയായ അനു സിതാരയ്ക്ക് ആരാധകരേറെയാണ്. കാവ്യ മാധവനോടായിരുന്നു ഈ നായികയെ പ്രേക്ഷകര്‍ ഉപമിച്ചത്. ചുരുങ്ങിയ കാലം കൊണ്ട് തന്നെ മലയാളക്കരയുടെ ഇഷ്ടനായികയായി മാറുകയായിരുന്നു താരം. ഗ്ലാമറസ് കഥാപാത്രങ്ങളെ അവതരിപ്പിക്കാന്‍ താല്‍പര്യമില്ലെന്ന് താരം വ്യക്തമാക്കിയിരുന്നു. മികച്ച പിന്തുണയാണ് ആരാധകര്‍ അനുവിന് നല്‍കുന്നത്. ഈദ് ആശംസ നേര്‍ന്ന അനുവിനോട്് വര്‍ഗീയപരാമര്‍ശം നടത്തിയതും അതിന് അനു ചുട്ടമറുപടി നല്‍കിയതും സോഷ്യല്‍ മീഡിയ ഏറ്റെടുത്തിരിക്കുകയാണ്.
No comments: