ലാൽസലാമിലെ സേതുലക്ഷ്മിയെ കണ്ട് ​ഗൗരിയമ്മ ക്ഷോഭിച്ചു! മോഹൻലാലിന്റെ ആ ഡയലോ​ഗ് കേട്ടതോടെ പൊട്ടിത്തെറിച്ചു! ടിവിയുമായുളള പ്രണയത്തെക്കുറിച്ച് പറഞ്ഞത് ഇങ്ങനെ!

ചരിത്രവും രാഷ്ട്രീയവുമൊക്കെ സിനിമയായി മാറാറുണ്ട്. ഗൗരവകരമായും വിമര്‍ശനങ്ങളായുമെല്ലാം ഇത്തരത്തിലുള്ള ചിത്രങ്ങളെത്താറുണ്ട്. കെആര്‍ ഗൗരിയമ്മയെ റഫറന്‍സാക്കിയാണ് ലാല്‍സലാമിലെ സേതുലക്ഷ്മിയെ സൃഷ്ടിച്ചത്. വര്‍ഗീസ് വൈദ്യനും ടിവി തോമസും ഗൗരിയമ്മയുമായി മോഹന്‍ലാലും മുരളിയും ഗീതയുമായിരുന്നു വേഷമിട്ടത്. വര്‍ഗീസ് വൈദ്യന്റെ മകനായ ചെറിയാന്‍ കല്‍പ്പകവാടിയായിരുന്നു ഈ ചിത്രത്തിന് തിരക്കഥയൊരുക്കിയത്. യഥാര്‍ത്ഥ സംഭവത്തെയോ ചരിത്രത്തെയോ ആണ് ലാല്‍സലാമില്‍ വരച്ചിടാന്‍ ശ്രമിച്ചതെന്ന് അണിയറപ്രവര്‍ത്തകര്‍ ഒരിക്കലും അവകാശപ്പെട്ടിരുന്നില്ല. അത്തരത്തിലൊരു ശ്രമമാണ് വേണു നാഗവള്ളിയും ചെറിയാന്‍ കല്‍പ്പകവാടിയും നടത്തിയത്. സിനിമയുമായി ബന്ധപ്പെട്ട് ഗൗരിയമ്മ ചില വിയോജിപ്പുകള്‍ പ്രകടിപ്പിച്ചിരുന്നതായു ചെറിയാന്‍ കല്‍പ്പകവാടി പറയുന്നു. മുരളിയുടെ കഥാപാത്രത്തിന്റെ പരസ്ത്രീ ബന്ധത്തെക്കുറിച്ച് പറഞ്ഞത് ഇഷ്ടമായിരുന്നില്ല.ആലപ്പുഴക്കാര്‍ക്കൊക്കെ അറിയാവുന്ന ബന്ധം എന്തിനാണ് മറച്ചുവെക്കുന്നതെന്നായിരുന്നു തിരക്കഥാകൃത്തിന്റെ സംശയം. സിനിമയുടെ ചിത്രീകരണം നടക്കുന്ന സമയത്ത് ഗൗരിയമ്മ ലൊക്കേഷനിലേക്ക് ചെന്നിരുന്നു. മോഹന്‍ലാലായിരുന്നു അന്ന് തനിക്ക് ഗൗരിയമ്മയെ പരിചയപ്പെടുത്തി തന്നതെന്ന്് ചെറിയാന്‍ കല്‍പ്പകവാടി പറയുന്നു. സിനിമ ഇറങ്ങിയ സമയത്ത് ഗൗരിയമ്മയ്ക്ക് ചില തെറ്റിദ്ധാരണകളുണ്ടായിരുന്നു. മുരളി ആലപ്പുഴയില്‍ ലോകസഭ തിരഞ്ഞെടുപ്പില്‍ മത്സരിച്ചപ്പോള്‍ എതിര്‍ സ്ഥാനാര്‍ത്ഥി വിഎം സുധീരനായിരുന്നു. ഇവന്‍ പറഞ്ഞിട്ടായിരിക്കും താനിവിടെ മത്സരിക്കാന്‍ വന്നത്, തോല്‍ക്കുമെന്നായിരുന്നു ഗൗരിയമ്മ ഞങ്ങളെ കണ്ടപ്പോള്‍ പറഞ്ഞത്. ഞാനും ടിവിയും തമ്മിലുള്ള ബന്ധം എന്തായിരുന്നുവെന്ന് നിനക്കറിയാമോ, നീ സിനിമയില്‍ കാണിച്ചത് പോലെ എന്നെ പിടിച്ച് തള്ളിയിട്ടൊന്നുമില്ല. നീ എന്റെ ബെഡ്‌റൂമില്‍ കയറി നോക്കൂ. ആ റൂമിലെ ചുവരുകളില്‍ മുഴുവനും ടിവിയും ഗൗരിയമ്മയും ഒരുമിച്ചുള്ള ചിത്രങ്ങളായിരുന്നു.

കെആർ ​ഗൗരിയമ്മ-ടിവി തോമസ് പ്രണയവും രാഷ്ട്രീയ ജീവിതത്തിലെ സംഭവവികാസങ്ങളെക്കുറിച്ചുമൊക്കെയുള്ള സിനിമയായിരുന്നു ലാൽസലാം. സിനിമ റിലീസ് ചെയ്തപ്പോൾ ചില തെറ്റിദ്ധാരണകളുണ്ടായിരുന്നുവെങ്കിലും പിന്നീട് അത് മാറിയിരുന്നു.